حكم من الزمن الجميل(أجمل ما قالت أمي)

 راقت لي 

 #قالت أمي :

في ناس بتطبخ رفع عتب..... 

وفي ناس طبخها بورجيك العجب..... 

وفي ناس نكهة الحب على طبخها غلب..... 

وفي ناس بتتفنن وترتب لدرجة إنك تقول وااااو ياللعجب..... 

من روعة طبخهم بيتقدم للملوك واعالي الرتب..... 

ناس سفرتها بسيطه وناس ملاعقها من ذهب..... 

وكلمة تسلم أيديكي بتنسيكي كل التعب.....

اذا اجى الدهر معك ... واحد بيعزمك وواحد  بيحلف عليك .....

واذا اجى الدهر عليك .... واحد بيدفشك وواحد بيوقع عليك .....

قالت أمي : في ناس بحياتنا #عزوة_وسند 

وفي  ناس بحياتنا

 #كمالة عدد                                                                               وفي ناس ما إلها أساس 

وفي ناس بضهرك

 #بتحاااارب_بلد "

قالت أمي  ..

من الخسة طعماني ورقة. ومن الجاجة شربني المرقة ...

قالت أمي  ..

ياريت هالبيت يضل مفتوح والحبايب تجي وتروح ...

 قالت أمي ..

يا بيت صبحناك يا بيت مسيناك يا بيت لا تؤاخذنا اليوم مازرناك ...

 قالت أمي..

في ناس مناح ومافي منن

وفي ناس منيح يلي مافي منن ...

 قالت أمي ..

بنت الرجال عانت واستعانت وبنت الاندال حطت راسها ونامت ...

قالت أمي ..

اللي ما بينطاق دواه الفراق  ...

قالت أمي  ..

المونة بدها ركونة مابدها مرا مجنونة 

 قالت أمي  ..

في ناس محتاجين لعمليات تجميل. شفط حقد .وزرع مخ .وتبيض قلب. وإصلاح نية وإستئصال لسااان ...

 قالت أمي  ..

ماكل شخص بيحكي فهيم ولا كل شخص بيسكت بهيم ...

 قالت أمي  ..

طالما الجيبة عمرانة الصحاب كترانة .

قالت أمي  ..

اذا قلتلك تقبرني لا تحفر وتطمرني ...

قالت أمي  ..

العشرة يلي هانت ياريتها ماكانت ...

قالت أمي..

شيل الريحانه وشمها وخود البنت 

على ريحة أمها..

الله يخليلي إياكي يا أمي😘😘